आमच्या सर्व बातम्या मिळविण्यासाठी फॉलो करा : फेसबुक | ट्विटर |शेअरचॅट | इंस्टाग्राम
पुणे : राज्यात सध्या राज्यसभा निवडणुकीच्या अनुषंगाने राजकीय वातावरण तापलं आहे. अशातच भाजपचे प्रदेशाध्यक्ष चंद्रकांत पाटील यांच्या वाढदिवसाच्या निमित्ताने पुण्यात राष्ट्रवादी काँग्रेसकडून खोचक शुभेच्छा देण्यात आल्या.
राष्ट्रवादी काँग्रेसच्या नेत्या रुपाली पाटील यांनी चंद्रकांत पाटील यांना तेलाची बाटली, साबण, ब्रश आणि गोळा केलेला निधी कुरिअरने पाठवला आहे. तसेच यासंदर्भात त्यांनी माध्यमांशी संवाद साधला.
हे ही वाचा : “राजस्थानमध्ये काँग्रेसनं भाजपचे मनसुबे उधळले; 4 पैकी 3 जागांवर मिळविला दणदणीत विजय”
राज्यात कुठेही निवडणूक लावा. मी जर निवडून आलो नाही, तर हिमालयात जाईन, असं विधान चंद्रकात पाटील यांनी केलं होतं. मात्र कोल्हापूर येथील पोटनिवडणूक चंद्रकांत पाटील लढले नाहीत. पण तिथे भाजपच्या उमेदवाराला पराभवाला सामोरे जावं लागलं. त्यामुळे त्यांनी वास्तविक पाहता हिमालयात जायला पाहिजं होतं. मात्र ते काही गेले नाहीत, असा टोला रूपाली पाटील यांनी चंद्रकांत पाटील यांना यावेळी लगावला.
दरम्यान, चंद्रकांत पाटलांनी हिमालयात गेल्यावर डोक्याला तेल लावावं आणि ध्यान करावं. यामुळे त्यांच्या मनाला आणि डोक्याला निश्चित शांती मिळेल. तसेच त्यांच्या संस्कारांमध्ये देखील वाढ होईल. त्यामुळे दिलेला शब्द चंद्रकांत पाटील यांनी पाळला पाहिजे आणि हिमालयात जायला पाहिजे, असा सल्ला रूपाली पाटील यांनी चंद्रकांत पाटील यांना यावेळी दिला.
महत्वाच्या घडामोडी –
मोठी बातमी! मनसेच्या ‘या’ नेत्यानं घेतली सचिन वाझेंची भेट; राजकीय चर्चांना उधाण
…तर मनसेचं मत शिवसेनेला गेलं असतं; आमदार राजू पाटील यांचं मोठं विधान
