चंद्रपूर : मलाही मुख्यमंत्री व्हायला आवडेल, अशी इच्छा राज्याचे जलसंपदा मंत्री आणि राष्ट्रवादीचे प्रदेशाध्यक्ष जयंत पाटील यांनी व्यक्त केली होती. यावर भाजप नेते आणि माजी अर्थमंत्री सुधीर मुनगंटीवार यांनी प्रतिक्रिया दिली आहे.ते चंद्रपूरमध्ये ‘टीव्ही 9 मराठी’शी बोलत होते
जयंत पाटलांची मुख्यमंत्री व्हायची इच्छा पूर्ण होईल, असं मला वाटत नाही. कारण पवार साहेबांचंच कुटुंब फार मोठं आहे. या कुटुंबाला संधी देता-देता जयंत पाटलांना शंभर वर्षांपेक्षा अधिक आयुष्य ईश्वरापाशी मागावं लागेल, असं म्हणत सुधीर मुनगंटीवार यांनी जयंत पाटील आणि पवार कुटुंबला टोला लगावला आहे.
दरम्यान, इस्लामपूरमध्ये बोलताना जलसंपदामंत्री जयंत पाटलांनी मुख्यमंत्रिपदाचे स्वप्न पाहणे हे नक्कीच दिवास्वप्न नाही, असं जयंत पाटील यांनी म्हटलं होतं.
महत्वाच्या घडामोडी-
भाजपचे अनेक बडे नेते आमच्या संपर्कात; राष्ट्रवादीच्या ‘या’ मोठ्या मंत्र्याचं वक्तव्य
जयंत पाटील म्हणतात, मला मुख्यमंत्री व्हायचंय; यावर अजित पवार म्हणाले…
“शिवसेनेची भूमिका आग्रही आणि विषय भावनिक आहे, पण…”
महाराष्ट्र-कर्नाटक सीमेवर तणाव; शिवसैनिक कर्नाटक पोलिसांना भिडले
