जळगाव : दहा बारा वर्षात जन्माला आलेले नेते आता राजकारणात चमकायला लागले आहेत आणि आम्हाला अक्कल शिकवत आहेत, असं म्हणत भाजप नेते एकनाथ खडसे यांनी देवेंद्र फडणवीस यांच्यावर अप्रत्यक्ष टिका केली आहे.
मेहनत आणि कष्टाने आम्ही महाराष्ट्रात भाजपचं एकट्याच्या बळावर सरकार आणलं होतं. त्या कालखंडात आत्ता आहेत त्यातील अनेक लोक नव्हतेसुद्धा. हे अलीकडे 10-12 वर्षात जन्माला आलेले राजकारणात चमकायला लागले आहेत आणि आम्हाला अक्कल शिकवत आहेत, असं एकनाथ खडसे म्हणाले.
“मी गेल्या चाळीस वर्षांपासून पक्षाशी एकनिष्ठ आहे. पण पक्षाने माझ्यावर अन्याय केल्याची भावना आहे. महाराष्ट्राच्या जनतेत आणि मला मानणाऱ्यांमध्ये एक संताप आहे. या संतापाचं कधी एकत्रीकरण होऊन स्फोट होईल हे सांगता येत नाही,” असंही खडसे यांनी म्हटलं आहे.
दरम्यान, करोनाचं सावट दूर झाल्यावर सर्व कार्यकर्त्यांच्या भावना जाणून घेणार असल्याच एकनाथ खडसेंनी यावेळी सांगितलं आहे.
महत्वाच्या घडामोडी-
पूरग्रस्त कुटुंबांना 10 हजार रूपयांची तातडीची मदत; व्यवस्थापन मंत्र्यांची मोठी घोषणा
किरीट सोमय्या यांनी फक्त भो भो न करता आरोप सिद्ध करावे- किशोरी पेडणेकर
पंढरपूरचे विठ्ठल-रूक्मिणी मंदीर भाविकांसाठी ‘या’ तारखेपर्यंत बंद
हिंदू मंदिरं उघडा सांगणारे तुम्ही कोण?; चंद्रकांत खैरेंचा जलीलांना सवाल
