मुंबई : सध्या भाजप जन आशिर्वाद यात्रा काढत आहे. नवनियुक्त मंत्री हे केंद्रीय मंत्रीपदाची शपथ घेतली म्हणून जनतेचा आशीर्वाद घेत आहेत. भाजपच्या या जनआशिर्वाद यात्रेवर महाविकास आघाडी सरकारकडून जोरदार टीका होत आहे. यावर विरोधी पक्षनेते देवेंद्र फडणवीस यांनी प्रतिक्रिया दिली.
ज्या पद्धतीने गुळाच्या ढेपेला चिकटलेले मुंगळे आहेत. तसं हे सरकार आहे, असा घणाघात फडणवीसांनी यावेळी केला. तसेच हे सरकार फक्त सत्तेसाठी एकत्र आलं असून सत्तेचा लाभ घेणं हे यांचं एकच उद्दिष्ट आहे, अशी टीकाही फडणवीसांनी यावेळी केली.
दरम्यान, भाजपच्या जनआशीर्वाद यात्रेवर शिवसेनेनं टीका केली आहे. मात्र ज्यांना जत्रेचा अनुभव आहे, त्यांना दुसरं काय दिसणार, असं टोला फडणवीसांनी यावेळी लगावला. तसेच या यात्रेला लोकांचा चांगला प्रतिसाद दिसतोय, असा दावाही फडणवीसांनी यावेळी केला.
महत्वाच्या घडामोडी –
“नाना पटोले अडाणी भाषेत टीका करतात, मग रावसाहेब दानवेंनी केली तर मिरच्या का झोंबल्या?”
14 महिने मंत्रालयात न येणारा मुख्यमंत्री उत्कृष्ठ कसा?; चंद्रशेखर बावनकुळेंचा सवाल
महाराष्ट्रातील सर्व पत्रकारांना टोलमाफी; केंद्रीय मंत्री नितीन गडकरी यांची घोषणा
भुजबळ जेलमधून आल्यानंतर संपल्यात जमा आहेत, त्यामुळे…; नारायण राणेंची टीका
