कोल्हापूर | प्रतिनिधी
कोल्हापूर महानगरपालिकेच्या निवडणुकीत वॉर्ड क्रमांक ९ हा यंदा सर्वाधिक चर्चेचा केंद्रबिंदू ठरत असून, ही लढत आता केवळ उमेदवारांपुरती मर्यादित राहिलेली नाही. साने गुरुजी वसाहत विरुद्ध बावडा असा स्पष्ट राजकीय आणि भौगोलिक सामना येथे रंगू लागला आहे.
शरंगधर देशमुख साने गुरुजी वसाहतीतून मैदानात
माजी स्थायी समिती सभापती आणि काँग्रेसमधून बाहेर पडून शिंदे शिवसेनेत दाखल झालेले शरंगधर देशमुख हे साने गुरुजी वसाहत परिसरातून वॉर्ड नं. ९ मधून थेट निवडणूक रिंगणात उतरले आहेत. स्थानिक विकासकामे, महापालिकेतील अनुभव आणि बंडखोर नेतृत्व ही त्यांची प्रमुख ताकद मानली जात आहे.
राहुल माने — काँग्रेस चा चेहरा , बंटी पाटलांची ढाल
दुसरीकडे काँग्रेसकडून राहुल माने हे उमेदवार असून, ते सुद्धा या परिसराचे प्रतिनिधित्व करतात. राहुल माने यांचे राजकीय पाठबळ म्हणजे कोल्हापूर काँग्रेसचे प्रमुख नेते सतेज ‘बंटी’ पाटील.
👉 राहुल माने हे बंटी पाटील यांचे निकटवर्तीय आणि राजकीय शिष्य मानले जातात. त्यामुळे ही लढत अप्रत्यक्षपणे शरंगधर देशमुख विरुद्ध बंटी पाटील अशीच पाहिली जात आहे.
गुरु विरुद्ध शिष्य, बंड विरुद्ध संघटन
एकेकाळी सतेज पाटील यांच्या नेतृत्वाखाली काम करणारे शरंगधर देशमुख आज त्यांच्या गटाविरुद्ध उभे ठाकल्याने राजकीय वर्तुळात मोठी खळबळ उडाली आहे.
➡️ शरंगधर देशमुख = साने गुरुजी वसाहतचा चेहरा
➡️ बंटी पाटील = बावड्याचा राजकीय किल्ला
अशा स्पष्ट विभागणीमुळे वॉर्ड नं. ९ मध्ये प्रचाराला कमालीची धार चढली आहे.
प्रचारात आरोप-प्रत्यारोपांचा भडका
शरंगधर देशमुखांकडून “स्थानिक नेतृत्वाला संधी नाकारली गेली” असा आरोप होत असून, तर काँग्रेसकडून “संधीसाधू राजकारण” अशी टीका केली जात आहे. दोन्ही बाजूंनी प्रचार सभा, पदयात्रा आणि सोशल मीडियावर जोरदार मोर्चेबांधणी सुरू आहे.
वॉर्ड नं. ९ : निकाल ठरवणार दिशा
राजकीय जाणकारांच्या मते, वॉर्ड नं. ९ चा निकाल हा केवळ एका जागेचा निकाल न राहता —
-
बंटी पाटील यांच्या नेतृत्वाची पकड
-
शरंगधर देशमुखांच्या बंडखोर राजकारणाची ताकद यांची खरी चाचणी ठरणार आहे.