मुंबई : सरकारने अहंकाराचा प्रश्न न करता आरेत काम सुरू करावं, असं म्हणत विधानसभा विरोधी पक्षनेते देवेंद्र फडणवीस यांनी कांजूरमार्ग मेट्रो कारशेडवरुन राज्य सराकरवर टीका केली. देवेंद्र फडणवीसांच्या टीकेला शिवसेना खासदार संजय राऊत यांनी उत्तर दिलं आहे. ते मुंबईत प्रसारमाध्यमांशी बोलत होते.
अहंकाराची व्याख्या काय ते एकदा पाहावं लागेल. आरेचं जंगल, प्राणी, निसर्ग वाचवणं यामध्ये कोणता अहंकार आहे. हे तर राष्ट्रीय कर्तव्य आहे. नद्या, वाघ, जंगल वाचवा हा तर मोदी सरकारचा कार्यक्रम आहे, असं संजय राऊत म्हणाले
ही लढाई चालूच राहील. महाराष्ट्रात सरकार आलं नाही याचं दुख: मी समजू शकतो. पण अशाप्रकारे केंद्राच्या अख्त्यारित असणाऱ्या यंत्रणा हाताशी धरुन महाराष्ट्राला त्रास देणं, महाराष्ट्राच्या जनतेचा छळ करणं हे फार काळ चालणार नाही”, असंही संजय राऊतांनी म्हटलं आहे.
दरम्यान, सरकारने अहंकाराचा प्रश्न न करता आरेत काम सुरू करावं, सौनिक समितीचा अहवाल मान्य कारावा. आरेत तात्काळ बांधकाम सुरू करावं. आम्ही कोणतीही टीका करणार नाही. उलट सरकारच्या पाठिशी खंबीरपणे उभे राहू,” असं देवेंद्र फडणवीस यांनी बुधवारी म्हटलं होतं.
महत्वाच्या घडामोडी-
भारत-ऑस्ट्रेलिया कसोटी सामना! विराट कोहलीची एकाकी झुंज, पहिल्या दिवसाअखेर भारत 6 बाद 233
संजय राऊत यांच्यावर कायदेशीर कारवाई व्हावी- प्रवीण दरेकर
जगातील सुंदर महिलांपैकी एक असलेल्या मिस वर्ल्ड मानुषीचा BOLD अंदाज
आम्ही तुमच्यासारख्या खोट्या कोरोना चाचण्या करत नाही; अरविंद केजरीवालांचा योगींना टोला
