पुणे :मित्र–मैत्रिणींनी मिळून केलेल्या पार्टीनंतर दारूच्या नशेत असलेल्या एका तरुणीचा गैरफायदा घेण्याचा प्रयत्न झाल्याची गंभीर घटना पुण्यात उघडकीस आली आहे. या प्रकरणी PG मालकाने तरुणीशी गैरवर्तन करत तिचा विनयभंग केल्याचा आरोप असून, चंदननगर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, संबंधित तरुणी आपल्या मैत्रिणींसह पार्टीला गेली होती. दारूचे सेवन अधिक झाल्याने तिला नीट चालता येत नव्हते. त्यामुळे तिच्या मित्रमैत्रिणींनी तिला थेट तिच्या हॉस्टेलच्या (PG) पायऱ्यांपर्यंत आणून सोडले. मात्र ती तरुणी त्या अवस्थेत पायऱ्यांवरच बसून राहिली.
ही परिस्थिती पाहून PG मालकाच्या मनात विकृत विचार निर्माण झाले. त्याने तरुणीच्या मागून येत तिच्याशी अश्लील वर्तन केले व तिचा विनयभंग करण्याचा प्रयत्न केला. या घटनेनंतर संबंधित तरुणीने धाडस दाखवत चंदननगर पोलिस ठाण्यात तक्रार दाखल केली.
या तक्रारीवरून पोलिसांनी Tirumala alias Raghurao Tirum Laya Kotha** (वय ३५, रा. बालाजीनगर, घोरपडी) याच्याविरुद्ध गुन्हा नोंदवला आहे. ही घटना १३ डिसेंबर रोजी रात्री साडेबारा वाजण्याच्या सुमारास बालाजीनगर परिसरात घडली.
पोलिसांच्या माहितीनुसार, फिर्यादी तरुणी एका खासगी ठिकाणी नोकरी करत असून बालाजीनगर येथील PG मध्ये वास्तव्यास आहे. पार्टीदरम्यान फिर्यादी, तिच्या मैत्रिणी तसेच आरोपी सर्वांनी दारूचे सेवन केले होते. दारूच्या अति सेवनामुळे तरुणी चालू न शकल्याने तिला मैत्रिणींनी घरी आणले; मात्र तिला खोलीत न नेता पायऱ्यांवरच ठेवण्यात आले.
याच संधीचा गैरफायदा घेत आरोपीने तिच्यावर मागून येत मारहाण केली व अश्लील वर्तन करत तिचा विनयभंग केला. या कृतीमुळे तरुणीच्या मनात तीव्र भीती व लज्जा निर्माण झाली.या प्रकरणी पोलिसांनी विनयभंगाचा गुन्हा दाखल केला असून
सहायक पोलीस निरीक्षक साळवे पुढील तपास करत आहेत.
—