मुंबई : भाजप आमदार प्रसाद लाड यांनी सुरू केलेल्या ‘शेतकरी आठवडे बाजार’ या उपक्रमाला महानगरपालिकेकडून अडथळा आणला जातोय असा आरोप लाड यांनी केला होता. या प्रकरणी लाड आणि भाजप आमदार नितेश राणे यांनी आंदोलनाचा मार्ग स्विकारला. यानंतर राणे यांनी प्रतिक्रिया देत राज्य सरकारवर जोरदार हल्लाबोल केला आहे.
परळीत पब सुरू आहेत, बांद्र्यामध्ये बार सुरू आहेत मात्र यांना शेतकरी आठवडे बाजाराचा बंद पाडायचाय, असं म्हणत राणे यांनी राज्य सरकारवर टीका केली आहे. तसेच लाॅकडाऊनचे नियम पायमल्ली तुडवत अभिनेत्री दिशा पटानी यांचं शूटिंग चालूच आहे. मात्र त्रास केवळ सामान्य जनतेला दिला जात आहे. दिशा पटानी, डिनो मारीया यांना सरकारचे नियम पायदळी तुडवण्याचे अधिकार असून ही सर्व बेबी पेंग्विनची नाईटलाईफ गँग आहे, असं म्हणत राणे यांनी सरकारवर सडकून टीका केली आहे.
दरम्यान, राज्यात 2 प्रकारचे न्याय असून शेतकरी वर्गासाठी वेगळा तर पब अन् बारसाठी वेगळा. म्हणजेच मुंबईच्या नाईटलाईफचं कौतुक करायचं आणि शेतकऱ्याला त्रास द्यायचा असा सर्व प्रकार असल्याचं म्हणत राणे यांनी सरकारवर निशाणा साधला.
महत्वाच्या घडामोडी –
रिक्षावाल्याच्या लावणीवर तुम्हीही व्हाल फिदा; व्हिडिओ होतोय व्हायरल
“राज्यात भाजपची सत्ता कधीही येऊ शकते”
IPL चौदावा हंगामाचे वेळापत्रक जाहीर ; ‘या’ दोन संघात होणार पहिला सामना
ज्येष्ठ रंगकर्मी आणि अभिनेते श्रीकांत मोघे काळाच्या पडद्याआड
