मुंबई : बेळगाव महापालिकेवर पुन्हा एकदा छत्रपती शिवाजी महाराजांचा भगवा झेंडाच फडकेल. आम्ही 30 च्या आसपास जागा जिंकू., असा विश्वास शिवसेना खासदार संजय राऊत यांनी यावेळी व्यक्त केला.
बेळगाव महापालिकेसाठी तब्बल 8 वर्षानंतर आज मतदान होत आहे. याच पार्श्वभूमीवर शिवसेना खासदार संजय राऊत यांनी प्रसारमाध्यमांशी बोलत असताना हा विश्वास व्यक्त केला.
बेळगाववर मराठी माणसाचीच सत्ता आहे, हे पुन्हा एकदा सिद्ध होईल, असंही संजय राऊत यांनी यावेळी म्हटलं. कर्नाटक लोकसभा पोटनिवडणुकीत समितीचे शुभम शेळके यांच्यावर लाखांवर मतं पडली होती. एकजूट चांगली होत आहे. या निवडणुकीत महाराष्ट्र एकीकरण समिती आणि इतर सर्व मिळून आम्ही 30 च्या आसपास जागा जिंकू, असा आशावाद संजय राऊतांनी यावेळी व्यक्त केला.
दरम्यान, मराठी जनतेला आवाहन आहे, एकजुटीने मतदान करा. मराठी म्हणून मतदान करा. बेळगाववर मराठी माणसाचीच सत्ता आहे. हे सिद्ध करण्याची एक संधी आली आहे, असंही संजय राऊत यांनी यावेळी म्हटलं.
महत्वाच्या घडामोडी –
“टोकियो पॅरालिम्पिकमध्ये भारताचा जलवा, प्रवीण कुमारनं उंच उडीत पटकावलं राैप्य पदक”
“सिंधुदुर्गात नारायण राणेंना धक्का, 2 नगरसेवकांचा मुख्यमंत्र्यांच्या उपस्थितीत शिवसेनेत प्रवेश”
“शिवसेनेचा इतिहास सर्वांना माहीत आहे, शिवसैनिक कधीही पाठीत खंजीर खुपसण्याचं काम करत नाहीत”
“बिग बाॅस विजेता अभिनेता सिद्धार्थ शुक्ला याचं निधन”
