दुबई : आजच्या आयपीएलच्या मुंबई इंडियन्स विरूद्ध कोलकाता नाईट रायडर्स यांच्यात खेळल्या गेलेल्या सामन्यात मुंबई इंडियन्सने कोलकाता नाईट रायडर्सचा 8 विकेट्सनी पराभव केला.
आजच्या या सामन्यात कोलकाता नाईट रायडर्सचा कर्णधार दिनेश कार्तिकने टाॅस जिंकून प्रथम फलंदाजी करण्याचा निर्णय घेतला. कोलकाता नाईट रायडर्सने प्रथम फलंदाजी करताना 20 षटकात 5 गडी गमावत 148 धावा केल्या. कोलकाताकडून पॅट कमिंसने सर्वाधिक 36 चेंडूत 53 धावा केल्या. तर इयाॅन माॅर्गन 29 चेंडूत 39 धावा, तर शुभमन गिलने 23 चेंडूत 21 धावा केल्या. मुंबईकडून राहुल चहरने 2, तर जसप्रित बुमरा, नॅथन कुल्टर नाईल, ट्रेंट बोल्ट यांनी प्रत्येकी 1 विकेट घेतली.
धावांचा पाठलाग करताना मुंबईने हे लक्ष्य केवळ 16.5 षटकातच 2 विकेट्स गमावत पूर्ण केले. मुंबईकडून क्विंटन डिकाॅकने सर्वाधिक नाबाद 44 चेंडूत 78 धावा केल्या. तर रोहित शर्मा 36 चेंडूत 35 धावा, तर हार्दिक पांड्याने 11 चेंडूत 21 धावा केल्या. तर कोलकाताकडून वरूण चक्रवर्ती व शिवम मावीने प्रत्येकी 1 विकेट घेतली.
महत्वाच्या घडामोडी-
ओला दुष्काळ जाहीर करा; देवेंद्र फडणवीसांची मुख्यमंत्र्यांकडे मागणी
इयाॅन माॅर्गन व पॅट कमिंसची शानदार भागीदारी; कोलकाताचे मुंबई इंडियन्सला 149 धावांचे लक्ष्य
कोलकाता नाईट रायडर्सने टाॅस जिंकला; प्रथम फलंदाजी करण्याचा निर्णय
महाराष्ट्रात राष्ट्रपती राजवट लागू करता येणार नाही; सर्वोच्च न्यायालयाने याचिका फेटाळली
